Mixers diniskaril ang pagbabalik ni West sa Bolts

Laro Ngayon

(Binan, Laguna)

5:45 p.m. San Miguel Beer vs Barako Bull

8 p.m. Rain or Shine vs Talk ‘N Text

MANILA, Philippines - Ibinalik ng Bolts ang dati nilang import na si Mario West bilang kapalit ni Terrence Wiiliams sa ha­ngaring pigilin ang kanilang pagbulusok.

Ngunit maski ito ay hindi nakatulong sa kanila.

Ipinatikim ng nagdedepensang San Mig Coffee ang pang-apat na sunod na kabiguan ng Meralco matapos angkinin ang 108-90 panalo sa 2014 PBA Governors’ Cup kagabi sa Smart Araneta Coliseum.

Tumapos si PJ Simon na may 22 points mula sa kanyang 10-of-13 fieldgoals shooting para sa 2-1 baraha ng Mixers katabla ang Alaska Aces at San Miguel Beermen sa ilalim ng Ginebra Gin Kings (2-0) at Air21 Express (2-0) na kasalukuyan pang naglalaro habang isinusulat ito.

Nanatili naman sa ilalim ang Bolts sa kanilang 0-4 kartada.

Isinara ng San Mig Coffee ang first half bitbit ang 52-46 abante bago kumamada sina import Marqus Blakely, Rafi Revies at James Yap para iwanan ang Meralco, 60-48, sa 6:51 ng third period.

Bago ito ay natawagan si San Mig Coffee for­ward Marc Pingris ng Flagrant Foul Penalty 2 na nagresulta sa kanyang pagkakatalsik sa laro matapos suntukin sa likod si James Sena ng Meralco na naunang bumangga sa kanyang bodega sa 3:15 ng second period.

San Mig Coffee 108 - Simon 22, Blakely 16, Barroca 15, Yap 13, Pingris 10, Maliksi 9, Sangalang 8, Reavis 6, Gaco 4, Mallari 3, Devance 2, Holstein 0, Melton 0.

Meralco 90 - West 31, Hodge 21, Caram 8, Wilson 7, Sena 6, David 6, Hugnatan 6, Salvacion 3, Bringas 2, Ildefonso 0, Timberlake 0, Dillinger 0.

Quarterscores: 30-23; 52-46; 76-69; 108-90.