Marcial, Bautista, Petecio wagi sa kanilang laban sa Sri Lanka

COLOMBO, Sri Lanka – Naging produktibo ang  Day 2 para sa PLDT-ABAP team sa kanilang kam­pan­ya sa Lion’s Cup.

Ito ay matapos talunin ni Eumir Felix Marcial ng Zam­boanga City, nag­kam­peon sa AIBA Junior World Championship no­ong 2011, si Jia Wei Tay ng Singapore sa welterweight class.

Binasag ni Marcial ang ilong at pinaputok ang kilay ng Singaporean.

Dahil dito ay itinigil ng re­feree ang naturang laban sa second round.

 Ngunit bago ihinto ng referee ang laban ay nag­ka­banggaan ang ulo nina Mar­cial at Tay.

Nakatakdang labanan ni Marcial si Okwiri Raytow Nduku ng Kenya sa se­cond round ng kanyang di­bisyon.

Nanaig ang Kenyan sa kanyang Sri Lankan op­ponent.

Naglista rin ng panalo si Ian Clark Bautista matapos dominahin si Belgian Dodji Ayigah para sa kanyang una­nimous decision.

Naging dikitan ang first round bago kumamada ang Asian Youth gold me­dalist mula sa Negros Oc­cidental sa second at third rounds para talunin si Ayigah.

 Umiskor naman ng pa­nalo si Nesthy Petecio sa women’s category nang payukurin si Anna Beuselinck Maganan ng Bel­gium, ang ama ay mula sa Baguio City.

Nauna nang natalo si Rogen Ladon kay PGE Madushan ng Sri Lanka sa Day 1 ng nasabing international tournament.