Rain or Shine tinakasan ang Ginebra sa overtime Alaska kinuha ang no. 3

Laro Ngayon

(Smart Araneta

Coliseum)

5:45 p.m. Meralco vs Rain or Shine

8 p.m. Alaska vs San Mig Coffee

MANILA, Philippines - Nakumpleto na ang quar­terfinals pairing para sa 2014 PBA Commissio­ner’s Cup.

Tinalo ng nagdedepen­sang Alaska ang San Mig Coffee, 85-66, habang ti­nakasan ng Rain or Shine ang Barangay Ginebra sa overtime, 105-101, sa pagtatapos ng elimination round kahapon sa Smart Araneta Coliseum.

Ang panalo ng Aces ang naglagay sa kanila sa No. 3 spot katapat muli ang No. 6 Mixers at lalabanan naman ng No. 4 na Elasto Painters ang No. 5 Meralco Bolts sa best-of-three series.

Lalabanan naman ng No. 1 Talk ‘N Text Tropang Texters, winalis ang eliminasyon, ang No. 8 na Gin Kings at makakatapat ng No. 2 San Miguel Beermen ang No. 7 Air21 Express.

Bitbit ng Tropang Texters at Beermen ang ‘twice-to-beat’ advantage.

Sinamantala ng Alaska ang pag-upo nina import James Mays (upper respiratory tract infection at back spasms), forward Marc Pingris (bruised left rib) at rookie guard Justin Melton (fractured right middle finger).

Hindi rin naglaro si two-time PBA MVP James Yap.

“You look at San Mig, their three best players weren’t there. So to them, it’s about rest, for us, it’s about rhythm,” sabi ni Alaska coach Luigi Trillo.

Sumandal naman ang Rain or Shine kina Paul Lee, Jervy Cruz at import Wayne Chism sa overtime period para talunin ang Ginebra.

Tumapos si Chism na may 30 points, habang may 25 si Lee.

Pinamunuan ni two-time PBA Best Import Gabe Freeman ang Gin Kings sa kanyang 29 points kasunod ang 22 ni seven-foot rookie Greg Slaughter. (RCadayona)

Alaska 85 - Dozier 8, Re­­yes 8, Manuel 8, Jazul 7, Buenafe 7, Abueva 7, Es­pinas 6, Eximiniano 6, Eman 6, Casio 5, Baguio 5, De La Cruz 4, Thoss 4, Belasco 2, Hontiveros 2.

San Mig Coffee 66 - De Ocampo 10, Acuña 9, Ga­co 9, Cawaling 8, De­vance 6, Simon 5, Reavis 5, Barroca 4, Mallari 4, Holstein 4, Sangalang 2.

Quarterscores: 22-14; 44-34; 67-48; 85-66.

Rain or Shine 105 -- Chism 30, Lee 25, Belga 10, Cruz 10, Arana 8, Norwood 7, Chan 6, Nuy­les 3, Teng 3, Ibañes 3, Al­mazan 0, Tiu 0, Tang 0, Rodriguez 0.

Ginebra 101 -- Freeman 29, Slaughter 22, Ca­­guioa 17, Helterbrand 16, Ababou 8, Tenorio 6, Ma­maril 3, Baracael 0, Ellis 0, Aguilar 0, Urbiztondo 0.

Quarterscores: 20-30; 42-50; 94-94; 105-101 (OT).