MANILA, Philippines - Hangad ni eight-division world champion Manny ‘Pacman’ Pacquiao na mabawi ang kanyang WBO welterweight championship title mula kay two-division world champion Timothy ‘Desert Storm’ Bradley bukas sa MGM Grand Garden Arena sa Las Vegas.
Ang 12-round bout na tinaguriang Pacquiao vs. Bradley 2: WBO World Welterweight Championship’ ay isasaere ng live via satellite sa GMA Channel 7 simula sa alas-10 ng umaga matapos ang ‘Pacquiao vs. Bradley 2: Vengeance in Vegas Primer’.
Ang live na blow-by-blow action ay maririnig sa Super Radyo DZBB 594, Barangay LS 97.1 at sa lahat ng RGMA stations sa bansa simula sa alas-9 ng umaga.
Ang WBO welterweight belt ay kasalukuyang hawak ni Bradley via a controversial 12-round split decision win kontra kay Pacquiao noong 2012.
Ang repeat telecast ng ‘Pacquiao vs. Bradley 2: WBO World Welterweight Championship’ ay ipapalabas sa GMA sa ganap na alas-10:30 ng gabi sa Sunday Night Box Office (SNBO).