Dominasyon ng Altas Perps Squad ‘di napigil
MANILA, Philippines - Sa ikalimang sunod na taon ay kinilala ang huÂsay ng Perpetual Help sa NCAA Cheering CompeÂtition.
Pinahanga uli ng Altas Perps Squad ang mga huÂÂrado at mga nanood sa kompetisyon kahapon sa Mall of Asia Arena sa Pasay City sa ipinakitang routine para kunin din ang ikawalong titulo sa 10 edisÂyon ng kompetisyon.
Nakalikom ang PerpeÂtual Help ng 480.5 puntos na bagamat mas mababa ang iskor kumpara noong nakaraang taon na 598.5 puntos, ay sapat naman para talunin uli ang Arellano na nakontento sa 468 puntos.
Ang Mapua na siyang kauna-unahang kampeon ng cheerleading noong 2003 ang nalagay sa ikatlong puwesto bitbit ang 450.5 puntos bago sumunod ang Lyceum sa 440.5, Jose Rizal University sa 426, Emilio Aguinaldo College sa 420.5, St. Benilde sa 415.5, Letran sa 384.5, San Beda sa 329.5 at San Sebastian sa 278 puntos.
Tatlong paaralan lamang ang nagdomina sa nasabing torneo at ang isa ay ang Jose Rizal noong 2008-09 season.
- Latest
