MANILA, Philippines - Matapos ang nakakamanghang opening ceremony ng Sochi 2014 Winter Olympic Games na nagtampok sa kasaysayan ng Russia at isang fireworks display na gumulat sa mga manonood, inaasahang magiging kapana-panabik din ang closing ceremony ng nasaning event.
Isasaere ng live ng TV5 bukas ng alas-12 ng tanghali, ang event ay gagawin sa makasaysayang Fisht Olympic Stadium sa Russia.
Ang closing ceremony ay inaasahang magiging selebrasyon ng mga atleta na lumahok sa unang Winter Olympic Games sa Russia.
Bilang host country, lumaban ang Russia para sa overall medal count.
Ang Pilipinas ay kinatawan naman ng 17-anyos na si Filipino figure Michael Christian Martinez.
Ang kanyang debut stint sa figure skating competition ay umani ng mga paÂpuri.
Natunghayan din ng mga Filipino viewers ang kampanya ng mga Filipino-foreigners kagaya nina Anne Line Gjersem ng Norway, Gilmore Junio ng Canada at JR Celski ng United States.
Ibibigay naman ng Korea kung ano ang kanilang gagawin para sa susunod na Winter Olympic Games na idaraos sa PyoengÂchang, South Korea sa 2018.