MANILA, Philippines - Pamumunuan ng mga miyembro ng 1973 Asian Basketball Confederation squad sa pangunguna ni team captain Jimmy MaÂriano at ang mga miyembro ng 1986 team na babanderahan ni Samboy Lim ang pagbibigay ng paraÂngal sa Gilas-Pilipinas plaÂyers sa PBA Press Corps’ “A Banquet of Heroes†Awards Night sa Martes sa Wack Wack.
Si Mariano, dating University of the East Warrior, ang team captain ng Philippine Five na nagkampeon sa ABC event 40 taon na ang nakararaan na siyang pinakahuling pagkakataon na pinangasiwaan ng bansa bago ito gawing FIBA-Asia Championship.
Pumangalawa ang Gilas-Pilipinas sa 27th Fiba-Asia noong Agosto at nakapasok sa World Championship na idaraos sa Spain sa 2014.
Pararangalan din sa event na nakatakda sa alas-7 ng gabi sa Banquet B ng Wack-Wack ang Coach of the Year at Executive of the Year sa nakaraang PBA Season.
Ang Team PBA, pinamumunuan nina commissioner Chito Salud at dating chair Robert Non, ang leading contender para sa Executive of the Year award na ipinangalan kay Danny Floro ng legendary Crispa team.
Inakay nina Salud at Non ang PBA sa matagumpay na season, habang ang mga team owners, sa pamumuno ni Talk ‘N Text at Meralco big boss Manny V. Pangilinan, ay nagpahiram ng kanilang mga players sa Gilas-Pilipinas Five.