MANILA, Philippines - Pipilitin ng Red Lions na maagaw ang liderato, habang hangad ng Stags na mapalakas ang kapit sa ikatlong puwesto.
Haharapin ng three-time champions San Beda College ang Emilio Aguinaldo College ngayong alas-6 ng gabi matapos ang salpukan ng San Sebastian College at Mapua sa alas-4 ng hapon sa second round ng 89th NCAA men’s basketball tournament sa The Arena sa San Juan.
Nanggaling ang Red Lions sa 68-54 pagpapadapa sa Jose Rizal Heavy Bombers noong Setyembre 9 kung saan humakot si import Ola Adeogun ng 20 points at 10 rebounds at nagdagdag sina Baser Amer at Rome Dela Rosa ng 15 at 11 markers, ayon sa pagkakasunod.
Nagmula rin sa tagumÂpay ang Generals matapos gitlain ang Perpetual Altas, 70-68, sa kanilang huling laro na nagtampok sa 22 points ni Jan Jamon.
Tinalo ng San Beda ang EAC, 80-65, sa kanilang unang pagtatagpo sa first round noong Hulyo 8.
Sa unang laro, reresbakan naman ng Stags ang Cardinals na tumalo sa kanila sa una nilang paghaharap, 104-99, noong HulÂyo 1.
Nasa isang two-game winning run ngayon ang San Sebastian matapos iskoran ang EA, 90-69, noong Setyembre 5 at ang Arellano, 54-49, noong Setyembre 9 na nagpaÂlakas sa kanilang pag-asa sa Final Four.