Phl boy’s 15-U pasok sa semis sa SEATTA tourney

MANILA, Philippines - Tinalo ng Philippine team ang Malaysia, 3-1, para makapasok sa semifinal round ng 19th Southeast Asian Table Tennis Association Junior Championship boys’ 15-under team event kahapon sa Garden Square of Harrison Plaza Mall sa Manila.

Dahil dito, tiyak na ang Philippine boys’ 15-under squad, pinamunuan ni Pa­larong Pambansa standout Ryan Rodney Jacolo, ng bronze medal.

Tumapos ang Philippine boys’ 15-under team na may 2-1 win-loss slate sa elimination round.

Binigo ni Ryan Rodney Jacolo si Malaysian Chua Tzong Lin, 11-7, 9-11, 9-11, 11-8, 11-9, sa unang single match, habang nagtala si Jann Nayre ng 4-11, 11-7, 11-8, 7-11, 11-6 panalo laban kay Leong Chee Feng sa ikalawang singles match.

Natalo naman sina Jacolo at Nayre kina Lin at Feng sa doubles, 4-11, 4-11, 7-11.

Ngunit bumawi si Jacolo nang igupo si Feng, 11-9, 6-11, 11-8, 11-4, sa kanilang ikatlong singles game para igiya ang Philippines sa kanilang semifinal match laban sa Thailand.

Nadiskaril naman ang koponan ng boy’s 18-under, girls’ 15-under at girls’ 18-under na maagang na­sibak sa elimination ng na­turang torneo.