‘Big 3’ ng Spurs tumiklop sa depensa ng Heat

MIAMI--Walang himalang nagmula kay Tony Parker sa Game 2.

At maging kina Tim Dun­can at Manu Ginobili.

Hindi mapigilan sa postseason, nalimitahan ang San Antonio Spurs point guard sa kanilang 84-103 kabiguan sa Miami Heat sa Game 2 na nagtabla sa kanilang NBA finals series sa 1-1.

Tumipa si Parker ng 13 points mula sa 5-for-14 shooting at may 5 assists.

Si Parker ang nagsalpak ng isang leaning bank shot sa huling 5.2 segundo sa kanilang 92-88 panalo sa Game 1.

“They were really aggressive, obviously,” sabi ni Parker sa Heat. “You have to give a lot of credit to their defense. They played great defense tonight. They were very aggressive on the pick-and-rolls and all our drives.”

Napuwersa din si Par­ker sa limang turnovers.

Nagtala naman si Duncan ng 9 points buhat sa 3-for-13 shooting at may 5 points si Ginobili.

“For sure Tim, Tony and me have to step up and play much better,” wika ni Ginobil. “We have basically no shot of winning against them if none of us play good. We have to play better.”

Ang Game 3 ay naka­takda sa Martes ng gabi sa San Antonio.