Pacers itatabla ang serye vs Heat

INDIANAPOLIS--Nag­tungo si Pacers coach Frank Vogel sa kanilang team practice na may simpleng mensahe para sa kanyang mga players.

Hindi niya babaguhin ang pilosopiya ng koponan para sa Game  4.

Kailangan lamang ni­lang magawa ang kanilang gustong gawin.

Wala pang 24 oras ma­tapos makahulagpos sa kanila ang bentahe sa serye laban sa NBA champion na Miami Heat, nag-ensayo ang Pacers sa Bankers Life Fieldhouse at inalam kung ano ang kanilang nagawang pagkakamali sa Game 3.

Hindi natagalan si Vogel para makahanap ng kasagutan.

“We’ve got to do a better job on the ball, we’ve got to be more active on our helps and we’ve got to double (James) more,”wika ni Vogel sa kanyang mga players.

Inungusan ng Mia­mi ang Indiana, 2-1, sa ka­ni­lang best-of-seven series.

Umasa silang makakatulong sa kanila ang home-court advantage para maungusan ang Heat sa serye.