Germany tutulong sa Pinas sa pagpapalakas ng football

MANILA, Philippines - Nagpirmahan  kahapon ang Philippine Sports Com­mission at Germany para magkatulungan sa pagpa­palakas ng football sa bansa.

Si PSC chairman Ricardo Garcia ang kumatawan sa ahensya habang si German Ambassador Joachim Heidorn ang nanguna sa kanyang bansa habang naging saksi sina PSC commissioner Iggy Clavecilla, Philippine Football Federation (PFF) president Mariano Araneta at German Cultural Secretary Michael Fuchs.

“Ito lamang ang pani­mula at marami pang pagtutulungan ang mangyayari sa pagitan ng Pilipinas at Germany sa football,” wika ni Garcia.

Sa napagkasunduan, darating ang German soccer coach at scouting expert Thomas Roy sa bansa at mamamalagi siya sa loob ng dalawang taon para pa­ngunahan ang grassroots program  ng PFF.

Ang mga batang edad 12-anyos pababa ang tutu­tukan ng 45-anyos na si Roy na isang sports  tea­cher, soccer coach at sports instructor.

Sa bandang Hulyo darating si Roy sa bansa.