Viloria pababagsakin si Estrada

MACAU – Kung may ta­targetin man si Brian Vil­oria kay Juan Francisco Es­trada, ito ay ang bodega ng Mexican challenger.

Ito ang sinabi ni Viloria sa press conference ka­hapon para sa “Fists of Gold” card sa The Venetian ca­sino resort.

“I don’t know if he can take the body shots. I want to test that early. I want to see his ability,” sabi ng Fi­lipino world flyweight cham­pion.

Nakatakdang itaya ni Vi­loria ang kanyang mga su­ot na WBO at WBA flyweight titles laban kay Estrada bukas sa Cotai Arena.

Maganda ang porma at kondisyon ni Viloria at han­dang-handa na para kay Estrada.

Sinabi ni Viloria na bi­­nabantayan niya ang kan­yang timbang at kama­kalawa ay nagkaroon sila ng steak dinner ng kanyang asawang si Erika sa isang Italian restaurant. 

Ang official weigh-in ay nakatakda ngayong alas-2:30 ng hapon.

Napanood na ng 32-anyos na si Viloria ang mga fight tapes ng 22-an­yos na si Estrada.

“He’s the high-output type of guy. He puts a lot of combinations and he throws a lot of punches. He likes to throw uppercuts,” paglalarawan ni Viloria kay Es­trada.

“But I’m not too sure how well he takes punches. I’m going see a lot and ad­just throughout the fight then pick the best way for me to beat him,” dagdag pa nito.

Sapul noong Hulyo ng 2010 ay anim na sunod na panalo ang kinuha ni Viloria la­ban kina Omar Sotto, Gio­vanni Segura, Omar Ni­ño Romero at Hernan ‘Ty­son’ Marquez.

Pinatumba ni Viloria si­na Segura, Romero at Mar­quez, at umaasa ito rin ang balak niyang gawin kay Es­trada.