V-League stars tatayong trainers sa volleyball camp

MANILA, Philippines - Labing-isa sa mga na­ngungunang players ng Shakey’s V-League ang tatayong trainers sa pagdaraos ng liga ng isang outreach volleyball camp bukas sa Ateneo gym sa Quezon City.

Ang mga ito ay sina Ne­rissa Bautista, Angela Ben­ting, Fille Cainglet, Rachel Ann Daquis, Jheck Dionela, Jem Ferrer, Cherry Ma­catangay, Sue Roces, Pau Soriano, Rhea Dima­culangan at Alyssa Valdez.

Ibabahagi nila ang ka­nilang mga nalalaman sa two-session clinic na tatampukan ng pagtuturo ng basic skills training kagaya ng digging, setting, spiking at serving.

Si Ateneo coach Roger Gorayeb ang siyang camp director.

Ang training camp ay bukas sa mga babaeng may edad na 6 hanggang 18-anyos.

Magsisimula ang pagpapalista sa ganap na alas-8 ng umaga kung saan uunahin ang mga public school students.

Ang lahat ng partisipante ay dapat magdala ng kanilang mga IDs at magsuot ng puting T-shirts, playing shorts at rubber shoes.

Magkakaroon ng 32 par­tisipante bawat sesyon na nahahati sa dalawa.

Ang una ay sa alas-9 ng umaga hanggang alas-12 ng tanghali at ang ikalawa ay sa alas-2 hanggang alas-5 ng hapon.