Gregorio ‘di napahiya kay Salvacion, napiling Accel-PBAPC Player of the Week

MANILA, Philippines - Sa unang pagkakataon ay ginamit siya ni coach Ryan Gregorio matapos ang tatlong laro ng Meralco sa 2013 PBA Commissioner’s Cup.

At hindi naman pinahiya ni Sunday Salvacion si Gregorio nang isalpak ang isang buzzer-beating three-point shot para itakas ang Bolts kontra sa Globalport Batang Pier, 90-89, noong Linggo sa Smart Araneta Coliseum.

Dahil dito, pinili ang 34-anyos na si Salvacion, tumipa ng 6-of-7 shooting sa three-point range, bilang Accel-PBA Press Corps Player of the Week.

“Always a blessing to have a warrior like Sunday,” wika ni Gregorio sa veteran guard. “Buried deep and not part of our usual rotation he exhibited tremendous determination and a positive attitude. He heeded the call and carried us on his shoulders.”

Alam ni Gregorio na kayang-kaya ni Salvacion na magsalpak ng mga kru­syal na puntos para sa Meralco

“I always knew that Sunday could hit the three, but what made the feat more exceptional was not only because it was a game-winning three it was more so because of where he came from,” wika ni Gregorio.

“He was languishing at the far end of our bench in our first four games but it did not discourage him at all. Instead, he took it like a grizzled veteran who did not let the opportunity slip away.”

Ayon naman kay Salvacion, ginawa lamang niya ang dapat niyang gawin.

“Ganu’n lang naman tayo palagi, na kapag tina­wag handang mag-deliver kung anong kaya,” wika ng 11th overall pick ng Baran­gay Ginebra sa 2003 draft bago dinala sa San Miguel Beer, Barako Bull at Meralco.