MIAMI--Umiskor si LeBron James ng 31 points mula sa kanyang matinding 13-of-14 fieldgoal shooting para banderahan ang MiaÂmi Heat sa 99-94 panalo laban sa Charlotte Bobcats.
Ito ang pang 10 sunod na pananaig ng Heat kontra sa Bobcats.
Ayon sa STATS, ang nasabing ipinakita ni James ang nagtabla sa kanya sa third-best shooting performance sa nakaraang 18 years.
Tumipa si Shaquille O’ Neal ng 15 for 16 para sa Heat laban sa Seattle noong Pebrero 25, 2006 at nagtala si Dwight Howard ng 14 for 15 para sa Orlando kontra sa Philadelphia noong Abril 14, 2007.
Nagdagdag naman si Chris Bosh ng 23 points at may 20 si Dwyane Wade na nagposte ng season-high 12 rebounds para sa Miami, may 19-3 sa kanÂilang tahanan.
Tumipa naman si Ramon Sessions ng 18 points para sa Charlotte.
Nagtala ang Miami ng masamang 1 for 12 sa three-point line, samantalang may 8 of 25 naman ang Charlotte.