Hosting ng FIBA-Asia Championship ipinasa sa Pilipinas mula sa Lebanon

MANILA, Philippines -  Ang Pilipinas na ang ma­­­ngangasiwa sa 27th FIBA-Asia Men’s Champion­ships na magsisilbing qualifying event para sa 2014 FIBA World Cup sa Spain.

Ito ay matapos mag­desis­yon ang FIBA-Asia Exe­cutive Committee na iga­wad sa bansa ang hos­ting rights mula sa Lebanon na kasalukuyang pinagha­ha­rian ng tensyon.

“Unfortunately, the current situation in the region and the on-going civil war in Syria, which has its indirect effect on the countries in the whole of West Asia, especially on Lebanon, creates doubts about the stability that we might not have, at least, till the fixed dates of our event,” sabi ni FIBA-Asia Sec­retary General Hagop Kha­jirian sa website ng world basketball body.

Nakatakda ang 2013 FIBA-Asia Men’s Cham­pionship sa Agosto 1 hanggang 11.

“SBP is pleased to accept this rare privilege of hos­ting the FiBA-Asia Cham­pionship – a similar event we last hosted 40 years ago,” sabi ni Sama­hang Basketbol ng Pilipinas pre­­sident Man­ny V. Pangi­linan sa kan­yang pahayag.

Ang bansa ang isa sa mga naging bidders sa pu­long ng FIBA-Asia Executive Committee noong Set­yembre kung saan ibinigay sa Lebanon ang hosting rights.

Huling nangasiwa ang ban­sa ng malaking basket­ball event noong 1973 pa­­ra sa FIBA-Asia Men’s Cham­pionship na idinaos sa Maynila.