Rios muling hinamon si Pacquiao

MANILA, Philippines - Muling ipinagsigawan ni world lightweight titlist Brandon ‘Bam Bam’ Rios ang pagnanais niyang makalaban si Filipino world eight-division champion Man­ny Pac­quiao.

Sinabi ng 26-anyos na si Rios, ang ka­salukuyang World Boxing Association light­weight king, na handa siyang sagupain ang 34-anyos na si Pacquiao.

“Hey why not, he has a big name, I want to show the world what I can do to the big dogs,” ani Rios sa panayam ng Dia­mond Boxing. “I know that he wants Mar­quez again but like you said, I aint hard to find. I’m right here, let’s get it on.”

Bago pa man matalo si Pacquiao (54-5-2, 38 KOs) sa 39-anyos na si Juan Ma­­nuel Marquez (55-6-0, 40 KOs) via sixth-round KO loss noong Disyembre 8 sa MGM Grand sa Las Vegas, Nevada ay ang pangalan na ni Rios (31-0-1, 23 KOs) ang binigkas ni chief trainer Freddie Roach na gusto niyang makatapat ni ‘Pacman’.

“It was a great fight, Marquez did everything right. Pacquiao was open for that shot, and Marquez did a great job at countering him. I saw that knockout and I was like what a shot,” wika ni Rios.

Si Rios ay isa sa mga sinasanay ni trainer Robert Garcia bukod pa kay uni­fied world super bantamweight king No­nito ‘The Filipino Flash’ Donaire, Jr.

Nagmula si Rios sa isang seventh-round TKO victory kontra kay Mike Al­varado para angkinin ang bakanteng WBO Latino light welterweight title noong Ok­tubre 13, 2012.