Magsanoc nilayasan ang Red Lions
MANILA, Philippines - Nagbitiw na si Ronnie Magsanoc bilang head coach ng Red Lions ilang buwan matapos igiya ang San Beda sa kanilang pang 17 NCAA crown.
Si PBA asssistant coach at D-League mentor Boyet Fernandez ang sinasabing papalit kay Magsanoc.
“Sort of said it yesterday (Saturday) at Christmas party,” wika ng isang team insider sa naturang pagbibitiw ni Magsanoc sa okasyon na dinaluhan ni telecommunication magnate at top patron Manny V. Pangilinan.
Sinubukan umano ni Pangilinan na kumbinsihin si Magsanoc na manatili.
Ngunit sinabi ni Magsanoc na gusto niyang tutukan ang kanyang trabaho bilang assistant coach sa Meralco Bolts sa PBA.
Si Magsanoc ang pumalit kay Frankie Lim sa pagsisimula ng 2012.
Ang San Beda ang magiging pang apat na NCAA team na magkakaroon ng bagong coach matapos magbitiw sina Louie Alas (Letran), Chito Victolero (Mapua) at Richard del Rosario (St.Benilde).
- Latest
