MANILA, Philippines - Pinabagsak ni Gretchen Abaniel si Modthanoi Sithsaithong ng Thailand sa fourth round para angkinin ang minimumweight crown ng Women’s International Boxing Association (WIBA) noong Linggo sa Makati Cinema Square.
Nirapido ni Abaniel (12-4-0, 3 KOs) si Modthanoi (5-2-0, 3 KOs) sa nasabing bahagi ng laban at nang hindi na matagalan ng Thai fighter ang mga suntok ni Abaniel, tumalikod ito.
Dahil dito, itinigil ni referee Sammy Bernabe ang laban sa 1:36.
Nauna nang kinuha ni Abaniel ang WIBA belt noong 2009.