Port of Subic under Estanislao, ‘will soar to greater heights!’
Sa wakas, nagkapuwesto rin si retired police colonel Noel Estanislao. Bago pa ang 2022 elections, magkasama na sina Estanislao at President Bongbong Marcos. Kaya nang manalo si BBM, kung anu-anong puwesto na ang ikinakalat na dadapuan ni Estanislao subalit nauudlot palagi. Malas?
Subalit pagkaraan ng tatlong taon sa puwesto ni BBM, naupo rin si Estanislao na hinirang na District Collector ng Port of Subic. Hindi na mauudlot ito mga kosa dahil naupo na sa Subic si Estanislao noong Lunes matapos ang isang simpleng turnover ceremony.
Ika nga, kung sino man ang humaharang sa appointment ni Estanislao, sori na lang siya at mukhang tuluy-tuloy na ang trabaho niya. E di wow! Hehehe! Kailangan pa bang i-memorize ‘yan?
Sa kanyang acceptance remarks, kinilala naman ni Estanislao ang “solid foundation’ na inumpisahan ng kanyang pinalitan na si District Collector Atty. Marlon Fritz B. Broto, MNSA sa Port of Subic. Ayon kay Estanislao, i-enhance n’ya at i-sustain ang Port gains. Ayosss!
“I am here not to disrupt but to build—to continue what you have started, reinforce what works, challenge what no longer serves us, and reimagine what we can achieve together,’’ ani Estanislao patungkol kay Broto. “We will steer this port to greater heights—not by one person’s strength but through shared vision, responsibility and pride,” dagdag pa ni Estanislao. Dipugaaa!
Pinasalamatan ni Estanislao si BBM sa pagtalaga sa kanya.
“I am deeply honored to serve under your administration’s banner of Bagong Pilipinas, and I pledge to echo your call for a responsive, efficient and corruption-free government. Under my leadership, the Port of Subic will remain committed to supporting Commissioner Bienvenido Rubio’s 5-Point Priority Program, which focuses on digitalization, revenue enhancement, trade facilitation, strengthened border protection, and good governance,’’ ani Estanislao.
Sa bagong yugto sa Port of Subic sa liderato ni Estanislao, ang Bureau of Customs ay united upang isulong ang kanilang misyon tungo sa pag-unlad, pag-uphold ng integridad at pagdeliber ng excellent public service.
“With renewed commitment and collective efforts, the Port pledges to continue playing a pivotal role in advancing trade facilitation, strengthening border protection, and contributing to national economic growth,” ayon pa kay Estanislao. Hehehe! Kanya-kanyang gimik lang ‘yan!
Pinuri ni Estanislao si Broto dahil sa kanyang maraming contributions, kasama na dito ang inisyatibo na nagpalakas ng stakeholder engagement, operational efficiency, at organized development upang maisakatuparan ang 5-point program ni Rubio.
Pinasalamatan naman ni Broto ang mga opisyales ng Port of Subic, ang mga empleado, stakeholders at partner agencies sa kanilang walang sawang suporta sa kanyang liderato. Sinisiguro ni Broto na sa liderato ni Estanislao, ang Port of Subic “will soar and reach even greater heights!”. Hehehe! Simple lang pero rock! Abangan!
- Latest
