Ang pitak na ito’y may ilang suhestiyon
upang itong krimen mabawasan ngayon;
Sa mga kriminal sa bayan at nayon
hindi kamatayan ang dapat ihatol!
Mga nagkasala’y huwag nang litisin
upang walang gastos ang gobyerno natin;
Maghapo’t magdamag sila’y paluhurin
sa liwasang bayan ito’y doon gawin!
Mga mahuhuling kaaway ng batas
hindi kamatayan ang parusang dapat;
Kanang kamay nila ay putulin agad
at ang mga rapist tanggalan ng bayag!
Sa sistemang ito’y tiyak magbabago
ang mga kriminal -- dati na at bago;
Ang mga salarin kapag pinatay mo --
resulta’y vendetta’t patayang magarbo!