Bebot tinodas sa birthday party
MANILA, Philippines — Pinagbabaril at napatay ng riding-in-tandem ang isang babae habang sugatan naman ang live-in partner nito na dumalo sa birthday party kamakalawa ng gabi sa Maynila.
Idineklarang dead-on-arrival sa ospital si Marjorie Vidallo, 24, ng Felina Ext. na nagtamo ng apat na tama ng bala ng baril sa katawan habang sugatan naman si Barangay Tanod Joseph Villegas, 27, live-in partner ni Vidallo.
Sa pagsisiyasat ni PSMS Jayson Ibasco ng Manila Police District-Homicide Section, nangyari ang insidente alas-10:45 ng gabi sa harapan ng bahay sa No. 663 Felina Ext.
Nabatid na bisita sa birthday party ang mga biktima at nagkakasiyahan nang bigla na lamang paputukan ng mga hindi pa nakikilalang suspek.
Tinangka pang habulin ni Villegas ang mga suspek subalit binaril ito sa tuhod ng huli.
Nagsasagawa na ng backtracking ang mga tauhan ng MPD Homicide sa nakalap na CCTV footages para matukoy ang pagkakakilanlan ng mga suspek at direksyon sa kanilang pagtakas. Wala pang nakitang motibo sa krimen.
- Latest
