MANILA, Philippines — Nagka-aberya kahapon ang isang tren Metro Rail Transit Line 3 (MRT-3) sa bahagi ng Quezon City, na nagresulta sa pansamantalang pagkaantala ng operasyon ng rail line.
Sa abiso ng MRT-3, nabatid na ang leading car ng isang train set na patungong Cubao Station ay nakaranas ng pagkawala ng traction dakong alas-12:00 ng tanghali.
Kaagad naman umanong nadala ang tren sa Santolan Station upang maisailalim sa pagsusuri sa kanilang train depot.
Ayon sa MRT-3, ang mga apektadong pasahero naman ay ligtas na nailipat sa susunod na tren at naihatid sa kani-kanilang destinasyon.
Balik-normal na rin naman ang operasyon ng MRT-3.
“We sincerely apologize for the inconvenience and thank you for your patience and understanding,” anang MRT-3.