MANILA, Philippines — Dinakip ng National Bureau of Investigation (NBI) sa bisa ng warrant of arrest si Marawi City Vice Mayor Annouar Romuros Abedin Abdulrauf dahil sa kasong murder kamakalawa ng umaga.
Sa bisa ng warrant of arrest na inisyu ni Caloocan RTC Presiding Judge Ma. Rowena Violago Alejandria Regional Trial Court Branch 121, inaresto si Abdulrauf nitong Lunes, Disyembre 2, 2024.
Ang mga ahente ng National Bureau of Investigation (NBI) kasama ang Task Force Marawi, Marawi City Police Station, at militar ay nagsilbi ng warrant laban sa bise alkalde sa compound ng City Hall.
Nakatakdang i-turn over ang opisyal sa korte na naglabas ng warrant.
Hindi naman ibinunyag ng mga awtoridad ang mga detalye ng kaso.