MANILA, Philippines — Pormal nang binuksan ng National Bureau of Investigation (NBI) ang dalawang bagong satelite office ng ahensiya sa Mauban Quezon at Poblacion Barili Cebu.
Ayon kay NBI director Jaime Santiago, ang pagbubukas ng bagong opisina ay bilang tugon sa Bagong Pilipinas program ni Pangulong Ferdinand Marcos Jr.na mabigyan ng sapat na serbisyo ng mga ahensiya ng pamahalaan ang publiko.
Sinabi ni Director Santiago na sa pamamagitan ng pagbubukas sa naturang mga opisina ay hindi na pupunta ang mga taga Mauban, Quezon at Poblacion Barili, Cebu at kalapit bayan sa Lucena City at Cebu City para makakuha ng serbisyo ng NBI.
“NBI’s unwavering support to the government and commitment to serve and uplift the welfare of the public through its exceptional services” sabi ni Santiago.