MANILA, Philippines — Pinaiimbestigahan ni Land Transportation Office (LTO) Chief Vigor Mendoza II ang nasa P33.8 milyong halaga ng breath analyzers na binili noong 2015 at 2017 na hindi nagamit.
Ayon may Mendoza, nagsagawa sila ng imbentaryo at lumitaw na 288 lang sa 756 units ang maaaring ayusin at ire-recalibrate.
Lumilitaw na ang unang batch ng 150 units ng breath analyzers noong 2015 ay binili sa halagang ?68,000 kada piraso habang ang pangalawang batch na higit sa 600 units ay binili naman sa halagang ?38,000 bawat isa.
Isinasagawa ang pagsusuri para malaman kung magiging mas praktikal ang pagbili ng mga bagong breath analyzer kaysa ayusin at i-recalibrate ang mga ito.
Ginagamit ang breath analyzers sa mga driver na nasasangkot sa aksidente upang malaman kung ang mga ito nasa impluwensiya ng alak habang nagmamaneho.
Pagtiyak ni Mendoza, kung bibili ang LTO ng mga bagong breath analyzers, magiging transparent ang procurement process.