MANILA, Philippines — Patuloy na pagpapaigting ng Department of Social Welfare and Development (DSWD) ang Sustainable Livelihood Program (SLP) sa pamamagitan ng pagpapalawak ng partnership nito sa iba pang mga ahensya ng gobyerno.
Sinabi ni DSWD Secretary Rex Gatchalian na walang technical expertise ang ahensiya para sa SLPs employment track kaya’t makikipag tulungan ang ahensiya sa Department of Labor and Employment (DOLE) at Technical Education and Skills Development Authority (TESDA) para mapahusay ang programa .
“We are strengthening our partnership with DOLE through a memorandum of understanding (MOU) and we are really literally tapping into the job start program which I had discussed with DOLE Secretary Bienvenido Laguesma,” sabi ni Gatchalian.
Ang SLP ay mayroong two tracks-ang Micro-Enterprise Development (MD), na naka-design para sa mga nagnanais na magnegosyo o entrepreneurship, at Employment Facilitation (EF), para naman sa nangangailangan ng trabaho.
Sa pamamagitan ng Memorandum of Understanding sa pagitan ng DSWD at DOLE, ang mga beneficiaries sa ilalim ng Employment Facilitation o EF ay magiging qualified para sa Job Start Program na layong tulungan ang beneficiary na may edad 18-24 na makahanap ng trabaho sa pamamagitan ng life skills at technical training.
Sinabi pa ni Gatchalian na para sa mga nagnanais na maging entrepreneur ay nakikipag- ugnayan siya sa Department of Tourism (DOT) upang makapagsimula ng negosyo laluna sa mga lugar na may lumalakas na tourist destinations.