MANILA, Philippines — Kinumpirma kahapon ng Department of Energy (DOE) na ang website nito na Government Energy Management Program (GEMP) ay na-hack at nasira nitong Sabado ng gabi.
Naganap ang pag-hack bandang alas-6:00 ng gabi ng Hulyo 27, na agad namang nai-offline ang system.
Ayon sa DOE, nakikipagtulungan na sila ngayon sa Philippine National Computer Emergency Response Team gayundin sa developer nito para tugunan ang mga kahinaan ng website.
Tiniyak din ng DOE na nakatutok sila sa pagpapanatiling “secure” ang mga system at patuloy na i-upgrade.
Hindi pa rin naibabalik ang operasyon ng website hanggang nitong Linggo.
Sisikapin din anang DOE na maibalik agad sa full operation ang kanilang website sa lalong madaling panahon at magpapatupad na ng istratehiya upang maging mas matibay ang kanilang IT system.
“We assure you that the DOE is committed to keeping its systems secure and will continue to upgrade these systems,” ayon pa sa kagawaran.