MANILA, Philippines — Inaresto ng mga intelligence officers ng Bureau of Immigration (BI) ang isang Russian DJ sa loob ng isang club sa Pasay City mall dahil sa pagiging undesirable alien.
Ayon kay BI Intelligence Division Chief Fortunato Manahan, Jr., ang dayuhang si Andrei Umanskii, 36, ay inaresto noong Lunes kasunod ng kautusan mula sa Board of Commissioners ng BI para sa pagpapatalsik sa kanya mula sa bansa.
Nabatid na ang dayuhan ay ipinag-utos na mai-deport noong 2023 matapos na matuklasan ng board of commissioners ng BI na siya ay overstaying na sa bansa ng mahigit sa tatlong taon.
Anang BI, si Umanskii ay dati nang nasangkot sa gulo sa Palawan. Noong 2020, naaresto na rin siya sa El Nido dahil sa resisting at disobeying persons in authority matapos maglasing at magwala sa kanilang barangay.
Noong 2022 naman, nanakit di umano si Umanskii ng isang tricycle driver sa Puerto Princesa.
“The Bureau of Immigration does not welcome foreigners who abuse the country’s hospitality. We are committed to maintaining peace and order, and we will take necessary actions against those who violate our laws,” pahayag ni Immigration Commissioner Norman Tansingco,