MANILA, Philippines — Naaresto ang isang Nigerian national sa isinagawang buy-bust operation ng Las Piñas City Police Station Drug Enforcement Unit, sa nasabing lungsod, kamakalawa ng gabi.
Nakilala ang suspect na si alyas Christian, 43, na nakuhanan ng nasa P204,000 halaga ng droga.
Ayon sa ulat, alas-9:00 ng gabi ng Pebrero 19, 2024 nang mahulog sa bitag ang suspek , sa ikinasang operasyon sa Barangay Talon Dos, Las Piñas City.
Kabuuang 30 gramo ng pinaniniwalaang shabu na nasamsam mula sa suspek ang ginamit na ebidensiya para sa paghahain ng reklamong paglabag sa Republic Act 9165 (Comprehensive Dangerous Drugs Act of 2002).
Nabawi rin ang marked money na ginamit sa operasyon.