Obrerong nakikitira lang, nag-molestiya ng 9-anyos
MANILA, Philippines — Bumagsak sa kulungan ang isang construction worker na nakikitira lang sa bahay ng katrabaho makaraang abusuhing sekswal ang isang 9-taong gulang na nene sa may San Andres Bukid, Maynila kahapon ng umaga.
Nakakulong na ngayon sa Sta. Ana Police Station 6 ng Manila Police District ang suspek na si Jefferson Ocenar, 35-taong gulang, makaraang ipaaresto ng mga magulang ng kaniyang biktima.
Sa ulat, sinabi ng biktima na natutulog siya sa kanilang bahay sa may Brgy. 755, San Andres Bukid, nang maramdaman niya na may tumabi sa kaniya at hinipo ang kaniyang kaselanan. Dito niya nakilala si Ocenar na ipinasok pa ang daliri sa kaniyang ari.
Maya-maya, nagpanggap ang biktima na nagugutom at pumunta sa kusina para maghanap ng pagkain upang makatakas sa suspek. Dito niya hinanap ang mga magulang at agad na isinuplong ang ginawa sa kaniya ng suspek.
Humingi naman ng tulong sa mga opisyal ng barangay at pulis ang mga magulang ng biktima dahilan para arestuhin si Ocenar.
Nahaharap na ngayon ang suspek sa kasong Statutory Rape sa Manila City Prosecutor’s Office.
- Latest
