MANILA, Philippines — Sinampahan ng kasong administratibo ng limang akusado sa Dacera murder case ang mga pulis Makati sa Internal Affairs Office.
Dakong alas-2 ng hapon nang personal na naghain ng kasong Conduct Unbecoming an officer sina Gregorio de Guzman, Valentine Rosales, Rom Galido, JP dela Serna at Clark Rapinan laban kay Makati Police chief Col. Harold Depositar at apat na iba pa.
Kasama ang kanilang abogado na si Atty. Mike Santiago, hiling ng lima na matanggal sa serbisyo si Depositar at iba pa dahil sa panggigipit ng mga ito sa kaso ng pagkamatay ng flight attendant na si Christine Dacera noong January 1, 2021. Matatandaang ikinulong ang lima ng mga pulis nang walang sapat na batayan. Ayon sa mga akusado nagdulot sa kanila ng trauma at kumpiyansa sa sarili ang ginawa nila Depositar.
Agad din pinalaya ang mga akusado matapos na ibasura ang kasong rape laban sa mga ito.