Chinese bumulusok mula 18th floor, lasog

MANILA, Philippines — Dead on the spot ang isang 21-anyos na Chinese national nang bumulusok mula sa ika-18 palapag ng ng tinutuluyang condominium sa Malate,Maynila, iniulat kahapon.

Kinilala ang dayuhang si Song Yongxing , tubong Guangdong, China at nanunuluyan sa isang condominium sa Taft Avenue, Malate.

Sa ulat ni P/Master Sergeant Joseph Kabigting ng Manila Police District-Homicide Section, dakong alas- 3:15 ng hapon nang maganap ang insidente sa nasabing condominium.

Nabatid na nagmula sa terrace na nasa ika-18 palapag nahulog ang biktima hanggang sa ground floor.

Patuloy pa ang imbestigasyon para matukoy kung nagpatiwakal o may foul play sa insidente.

Nakikipag-ugnayan na ang MPD sa Chinese Embassy para sa disposisyon sa labi ng banyaga.