MANILA, Philippines — Bulagta ang dalawang lalaki na nasa drug watchlist ng pulisya matapos na barilin ng hindi pa nakilalang mga suspek habang nakatambay ang mga ito sa Sampaloc, Maynila kahapon ng madaling araw.
Dead on the spot sina Reynaldo Caguioa, 53, construction worker at Juanito Baful 49, tricycle driver, sanhi ng tinamong mga tama ng bala ng baril sa katawan.
Inaalam na ng awtoridad ang pagkakakilanlan sa mga suspek na lulan ng itim na SUV na hindi naplakahan at mabilis na tumakas matapos ang insidente
Ayon sa imbestigasyon ng pulisya dakong alas-2:30 ng madaling araw ng maganap ang insidente sa Quezon Boulevard sa panulukan ng Leena St. Sampaloc Maynila sa Brgy. 464.
Nabatid na nakatayo ang dalawang nasawi sa nasabing lugar nang lapitan ng mga suspek na lulan ng SUV at walang sabi -sabing pinaputukan ng bala ng baril ang mga ito.