MANILA, Philippines — Timbog ang tatlong babae at isang lalaki sa aktong nagpa-pot session sa loob ng isang barung-barong, malapit sa riles ng Philippine National Railways (PNR) sa Paltok St., Sampaloc, Maynila, iniulat kahapon.
Sinampahan na ng kasong paglabag sa Republic Act 9165 o Comprehen-sive Dangerous Drug Act of 2002 ang mga suspek na sina Rachelle Belenia, 33; Jovelyn Cabinbin,; Myrna Laguardia, 32, at Francisco Castro, 32.
Nadaanan umano ng mga nagpapatrulyang tauhan ng Manila Police District-Station 4 ang barung-barong na kanilang sinilip at nakita ang mga suspek na abala sa pagbatak ng iligal na droga.
Agad silang sinita at sinamsam ang drug paraphernalia kabilang ang dalawang plastic ng shabu, isang strip ng aluminum foil at disposable lighter.