MANILA, Philippines - Arestado ang isang kilalang tulak ng droga sa isinagawang buy bust operation ng mga awtoridad sa Pasig City, kamakalawa ng gabi.
Ayon kay Eastern Police District (EPD) Director Chief Supt. Romulo Sapitula ang suspek na si Raffiodin Paouti alyas Amir Paunte, ng M.H Del Pilar St., Brgy. San Nicolas, Pasig City ay nadakip dakong alas-9:10 ng gabi sa isinagawang buy bust operation ng mga tauhan ng Pasig police.
Nabatid na isang concern citizen ang nagsumbong sa pulisya hinggil sa talamak na pagbebeta ng illegal na droga ng suspek.
Isang asset ng pulisya ang nagsilbing buyer ng suspek at agad na dinakip sa aktong ini-aabot nito ang droga.
Nabawi sa suspek ang limang plastic sachet na naglalaman ng shabu, mark money ay iba’t ibang uri ng drug paraphernalia.
Nakakulong ngayon ang suspek sa Pasig police at inihahanda na ang pagsasampa ng kasong drug pushing laban sa kanya.