MANILA, Philippines - Isang mister ang sinaksak at napatay ng kanyang misis matapos ang mainitang pagtatalo kamakalawa ng hapon sa Caloocan City.
Kinilala ni SPO4 Joel Montebon, ang nasawing mister na si Mervin Roy Thanaraj, 27, habang sumuko naman sa pulisya ang suspect na misis na si Gianne Carla.
Ayon sa ulat nagkaroon ng mainitang pagtatalo ang mag-asawa sa loob ng kanilang bahay sa Brgy. 166, Kaybiga dakong alas-2 ng hapon nang saktan ng mister ang misis na nagawa namang makatakbo sa kusina at nakahagilap ng kutsilyo kung saan sinaksak sa leeg ang mister.
Naisugod pa sa pagamutan ang biktima pero hindi na rin umabot pang buhay.