MANILA, Philippines – Sumakabilang buhay na ang jeepney na binaril ng mga holdaper noong nakaraang Setyembre 7 sa No-valiches, Quezon City.
Ang biktimang si Robert Ocampo, 47, ng Villareal St., Brgy. Gulod, Novaliches, ay sinawimpalad habang nakaratay sa Quezon City General Hospital dahil sa tama ng bala sa likod at pisngi.
Nabatid sa imbestigasyon ng Criminal Investigation and Detection Unit (CIDU) ng QCPD, dakong alas-3:00 ng madaling-araw nang holdapin ng 2 lalaki ang minamanehong pampa-saherong jeep ni Ocampo.
Pumalag umano si Ocampo kung kaya’t binaril siya ng mga ito sa may Quirino Highway.
Gayunman, ganap na alas-5:00 ng madaling-araw ay namatay ang biktima habang nakaratay sa QCGH. Patuloy naman ang pagtugis sa mga suspect.