MANILA, Philippines - Magbibigay ng libreng sakay ang pamunuan ng LRT at MRT, ngayong araw na ito.
Ayon sa pamunuan ng LRTA, ipatutupad ang libreng sakay sa LRT 1 at 2 at MRT sa ganap na alas-7:00 ng umaga hanggang alas-9:00 ng umaga at alas-5:00 ng hapon hanggang alas-7:00 ng gabi.
Nabatid na ang LRT 1 ay kumokonekta mula Baclaran, Pasay City hanggang Roosevelt, Quezon City.
Ang LRT 2 naman ay kumokonekta ang biyahe mula Recto, Maynila hanggang Santolan, samantalang ang MRT ay mula Taft Avenue, Pasay City hanggang North Avenue, Quezon City.
Ang libreng sakay na ipatutupad sa mga mananakay ay para sa pagdiriwang ng Rizal Day, Dec. 30.