MANILA, Philippines - Sa kabila ng madalas na aberya sa biyahe dahil sa ilang despalinghadong bagon, magbibigay ng libreng sakay ngayong araw na ito, Oktubre 4 ang Light Rail Transit (LRT) at Metro Rail Transit (MRT) para sa mga senior citizen dahil sa paggunita ng Elderly Filipino Week.
Nabatid kay LRTA Spokesperson, Atty. Hernando Cabrera mula alas-5:00 ng umaga hanggang alas-10:00 ng gabi ay naglaan sila ng libreng sakay para sa mga senior citizens.
Para ma-avail ang libreng sakay ay kailangan lamang ipakita nila ang kanilang senior citizen card.
Ipinagmalaki pa ng pamunuan ng LRTA na may bagong mga upuang ikinabit sa LRT 2 kung kaya’t hindi mahihirapan ang mga senior citizen sa pagsakay.