Maintenance contract sa MRT, napaso na
MANILA, Philippines - Napaso na kahapon, Setyembre 4, ang maintenance contract ng Autre Porte Technique (APT) Global Inc., para sa pagmamantine ng Metro Rail Transit (MRT-3).
Sa kabila naman nito, sinabi ni MRT Spokesperson Atty. Hernando Cabrera na palalawigin pa ng month-to-month basis ang kontrata ng APT dahil wala pang papalit na contractor dito.
Patuloy rin aniyang mae-extend ang kontrata hanggang wala pang nakukuhang kapalit na maintenance provider. Inamin naman ni Cabrera na ikinagulat rin nila na hindi agad naumpisahan ang bidding para sa bagong contractor.
Nauna rito, sinabi ni Senador Grace Poe sa pagdinig ng Senado na dapat tutukan ang bidding sa susunod na maintenance provider ng MRT-3 kasunod nang pagkapaso ng kontrata ng APT Global.
Lumitaw naman sa Senate hearing na bumagsak ang performance ng MRT-3 mula noong 2012 nang ang APT Global na ang may hawak ng kontrata bilang maintenance provider nito.
- Latest
