MANILA, Philippines - Dalawang maintenance ang nasawi makaraang bumagsak ang tinutungtungan nilang spider lift habang nagkukumpuni sa isang bahagi ng arena ng isang mall, kamakalawa ng gabi sa Pasay City.
Dead-on-arrival sa San Juan De Dios Hospital ang mga biktimang sina Ronaldo Caballero, 29 at Segrid Puntalan Jr., 28, kapwa naninirahan sa Indese Compound Road 12, Santa Mesa, Manila at maintenance sa naturang establisimiento sanhi ng tinamong matinding pinsala sa ulo at sa katawan.
Batay sa report na natanggap ni Police Chief Inspector Angelito De Juan, hepe ng Station Investigation and Detective Management Branch ng Pasay City Police, alas-7:00 ng gabi ng maganap ang insidente sa arena ng isang mall sa Macapagal Avenue ng naturang lungsod.
Kinukumpuni ng mga biktima ang LED Mesh na may taas na walong palapag nang magka-aberya ang kinalalagyan nilang taklobo (spider lift) dahilan upang bumagsak ito.
Kaagad namang isinugod ang mga biktima sa nasabing pagamutan, subalit hindi na ito umabot ng buhay.