MANILA, Philippines - Isang 70-anyos na lolo ang nasawi nang ambusin ng riding-in-tandem habang ang una ay bumibili ng ulam sa Sampaloc, Maynila kahapon ng umaga.
Dead-on-the-spot ang biktimang si Valentino Pilapil, ng Algeciras St., Sampaloc, Manila sanhi ng tama ng bala ng baril sa mukha. Inaalam naman ng pulisya ang pagkaÂkakilanlan sa suspek na magkaangkas sa motorsiklo na tumakas matapos ang insidente.
Sa report ni Det. Jonathan Bautista ng Manila Police District (MPD)-Homicide Section, dakong alas-11:30 ng umaga nang maganap ang insidente sa harapan ng isang karinderya sa Simoun St., Sampaloc, Manila.
Nabatid na bumibili ng ulam sa naÂsabing karinderia ang biktima nang dumaÂting ang mga suspek, tumigil sa harapan ng una at walang sabi-sabing binaril ito.
Nang matiyak ng mga suspek na patay na ang biktima ay pinaharurot ang sinaÂsakyang motorsiklo at tumakas.
Inaalam pa ng pulisya kung ano ang motibo sa pagpatay at kung ang biktima ang tunay na pakay.