2 ex-lider ng ABB tumba sa tandem

MANILA, Philippines - Kamatayan ang sumalubong sa dalawang da­ting lider ng Revolu­tionary Proletarian Army-Alex Boncayao Brigade makaraang pagbabarilin ng riding-in-tandem gunmen noong Martes ng gabi sa Muntinlupa City.

Kinilala ang mga na­patay na sina George “Ka George” Acero, 54, ng West Service Road, Brgy. Cupang, Muntinlupa City at Romeo “Ka Joey” Dac­les ng Brgy. Alabang sa nasabing lungsod.

Sa ulat na naka­rating kay P/Senior Supt. Allan­ Nobleza, hepe ng Muntinlupa City PNP, na­ganap ang krimen bandang alas-6:30 ng gabi sa bisinidad ng pampublikong pamilihan sa Montillano St., Brgy. Alabang sa na­sabing lungsod.

Nabatid na magka­samang nakatayo ang mga biktima nang lapitan at ratratin ng tandem.

Sa nakalap na impormasyon ng pulisya, ang dalawa ay matagal nang tumiwalag sa nasabing samahan at nagbagong-buhay kasama ang ka­nilang pamilya.

Sinisilip naman ng pulisya ang anggulong may kinalaman ang na­sabing samahan sa pagpatay sa mga biktima na sinasabing tumiwalag sa grupo ng mga rebelde.