MANILA, Philippines - Rehas na bakal ang kinasadlakan ng isang ginang matapos makuhanan ng dalawang sachet ng shabu nang salakayin ang bahay nito ng mga pulis sa Malabon City kamakalawa ng gabi.
Nakakulong ngayon sa Malabon City Police ang suspek na si Rosalinda Martin “alyas Taleâ€, 43 ng Rimas St., Barangay Potrero ng naturang lungsod.
Nabatid na nakatanggap ng impormasyon ang mga pulis na nagtutulak ng shabu ang suspek sa kanilang lugar na naging dahilan upang kumuha ng search warrant kay Judge Edmund Batara ng Malabon City Regional Trial Court, Br. 72.
Nang makakuha ang mga pulis ng search warrant, kaagad nilang sinalakay ang bahay ng suspek alas-8:44 ng gabi kung saan nakakuha ng dalawang sachet ng shabu na naging dahilan upang isama sa presinto ang ginang.