MANILA, Philippines - Naabo ang isang garment factory sa sunog na lumamon dito kahapon ng umaga sa Valenzuela City.
Ayon sa report ng Valenzuela City Fire Department, alas-7:00 ng umaga nang sumiklab ang apoy sa Mega Fields Garments na nasa Industrial Road, panulukan ng San Francisco St., Brgy. Karuhatan.
Ayon kay Alan Alvarez, isa sa mga emÂpleyado, nakita na lamang niya ang pagsiklab ng apoy kaya agad siyang bumaba sa unang palapag para patayin ang main switch.
Ngunit hindi na siya nakabalik pa sa ikalawang palapag dahil sa mabilis umanong paglaki ng apoy.
Agad na nilisan ng mga stay-in na emÂpleyado ang naturang garment factory at karamihan sa mga ito’y walang naisalbang gamit. Alas-8:33 na ng umagÂa nang maapula ang apoy.
Wala namang napaulat na nasaktan sa insidente at inaalam na ang kabuuang halaga ng napinsala at ang sanhi ng sunog.