Vendor itinumba ng tandem
MANILA, Philippines - Bangkay na nang iwan ng dalawang lalaking sakay ng motorsiklo ang isang vendor matapos nila itong pagbabarilin habang nakaÂupo sa lungsod Quezon, kamakalawa.
Kinilala ang biktima na si Rodolfo Dollente, alyas Ompong, 43, ng Basa St., Brgy. Paltok, San Francisco Del Monte, sa lungsod.
Sa ulat ni PO2 Louie Serbito, may-hawak ng kaso, nangyari ang insidente malapit sa bahay ng biktima, dakong alas- 7:20 ng gabi.
Ayon kay Gimena Dollente, asawa ng biktima, nakikipag-kwentuhan siya sa kanilang kapitbahay nang marinig niya ang mga putok ng baril malapit sa kanilang bahay.
Nang kanyang lingunin ay nakita niya ang dalawang hindi nakikilalang lalaki na sakay ng isang motorsiklo na nagmamadaling umalis sa lugar, habang ang kanyang asawa naman ay nakaupo sa bangketa at duguan.
Agad itong isinugod sa pagamutan subalit hindi na ito umabot ng buhay.
Narekober sa lugar ang pitong basyo ng bala ng kalibre .45 na ginamit sa pamamaslang sa biktima.
Patuloy ang imbestigasÂyon ng otoridad sa nasabing insidente upang mabatid ang motibo ng nasabing krimen. (Ricky T. Tulipat with Ella Mae Nuyles at Vanessa May Linsangan -trainees)
- Latest
