MANILA, Philippines - Tatlong hinihinalang ‘tulak’ at isang user ng iligal na droga ang nadakip ng mga tauhan ng Valenzuela City Police sa ikinasang magkasunod na operasyon, kamakalawa ng hapon sa naturang lungsod.
Nakilala ang mga naaresto na mag-asawang Carlos Mentino, 36 at Raquel, 36; Isidro Mamon at Romeo BernabeÂ, Jr.
Sa ulat, isang operasyon ang ikinasa ng pulisya makaÂraan ang sumbong sa nagaganap na bentahan ng iligal na droga sa bahay ng mag-asawang Mentino. Naaktuhan ng mga lumusob na pulis na gumagamit ng iligal na droga ang mag-asawa kasama si Mamon dakong alas-2 ng hapon.
Dakong alas-11:50 kamakalawa naman ng gabi nang madakip si Bernabe nang magbenta ng isang pakete na nagÂlalaman ng hinihinalang shabu sa isang pulis na nagpanggap na buyer sa may Little Tokyo Street, Gen. T. De Leon Street.
Nang kapkapan ito, tatlong pakete pa na naglalaman ng iligal na droga ang nakuha sa posesyon nito.