MANILA, Philippines - Sumuko na kagabi ang isa sa mga suspek sa pagnanakaw at pagpatay sa isang mag-ama sa Malabon.
Kusang sumuko sa mga awtoridad si Anthony Sernechez, 26, isa sa mga suspek sa pagpatay at pagnanakaw kina Ferlizardo Coralde, 46 at anak niyang si Albert, 20, nitong kamakalawa ng gabi.
Pero nilinaw ni Sernechez na siya lamang ang nagtali at nagpiring sa mag-ama .
Dagdag ng suspek na ang kasamahan niyang si Aries Santos ang nanggilit ng leeg ng mga biktima.
Aniya kamag-anak ni Santos ang mga biktima.
Sinabi pa ni Sernechez na nais lamang talaga nilang pagnakawan ang mag-ama ngunit tinuluyan na sila ni Santos nang matanggal ang piring ni Felizardo.
Natangay ng mga suspek ang P1,000, laptop, cellular phone at tablet computer ng mga biktima.
Tinutugis pa rin ng mga awtoridad ang nagtatagong si Santos.